adeeb-suhail

Dayar-e-Jaan Pe Musallat Ajab Zamana Raha

dayar-e-jan pe musallat ajab zamana raha

ki dil men dard labon par ravan tarana raha

kisi pe barq giri shakh-e-jan sulag utthi

kisi pe sang chale sar mira nishana raha

qadam qadam pe mili garche sarsar-e-khun-rez

hujum-e-gul usi andaz se ravana raha

adu-e-dost kabhi mujh ko mo’atabar na hua

azal se apna ye mear-e-dostana raha

jo qadar-e-fan ka taayyun karo to dhyan rahe

isi sabab se adu mera ik zamana raha

jo baat kahni hui ham ne barmala kah di

‘suhail’ shikva kisi se na ghaebana raha

More Poems

Leave a Comment