Moni Gopal Tapish
sannaTon ke jangal men khoi hui ḳhushbu thi
aahaT jo suni koi sahmi hui ḳhushbu thi
us ghar men gulabon se kuchh raag mahakte the
mahaul men jaadu tha gaati hui ḳhushbu thi
guftar men phulon ki barsat ka aalam tha
pahna hua gulshan tha oḌhi hui ḳhushbu thi
Daali se koi mausam jiyun TuuT ke gir jaa.e
be-rabt havaon men uḌti hui ḳhushbu thi
tum ne kabhi socha hai tum ne kabhi jaana hai
kahte hain ‘tapish’ jis ko bikhri hui ḳhushbu thi
Leave a Reply