Taseer Jafry
hijr men tere ThanDi aahen bharta hai
ḳhali kamra saa.en saa.en karta hai
ashkon ki surat ankhon ke sahil par
roz naya ik lashkar aan utarta hai
duniya ne dil ko aur dil ne duniya ko
donon ne hi apne taur pe barta hai
jin ankhon men ashk aa jaa.en asr ke baad
un ankhon men suraj Duub ke marta hai
ishq men jiina bhi paḌ sakta hai ‘tasir’
ishq kiya hai to kaahe ko Darta hai
Leave a Reply