hijr baḳhsha kabhi visal diya
ishq ne jo diya kamal diya
ek ḳhat jo sambhalna tha mujhe
jaane main ne kahan sambhal diya
shukr us ka karun ada kaise
jis ne hairat di aur saval diya
meri qismat ka faisla us ne
ma.araz-e-iltava men Daal diya
ḳhud kiya faisla ḳhilaf apne
mushkilon se use nikal diya
sab ko dil ki batata tha ‘taimur’
main ne puchha to hans ke Taal diya
Leave a Reply