Meri Zindagi Ho Tum

meri zindagi ho tum

ya.ani ajnabi ho tum

agahi sabhi kuchh hai

ishq-o-agahi ho tum

tera ho chuka huun main

meri ho chuki ho tum

mar raha huun main gham se

aur hans rahi ho tum

pahli pahli nindon ka

ḳhvab aḳhiri ho tum

mujh pe lams vajib hai

duur kyon khaḌi ho tum

muḌ ke dekhna be-sud

saath kab chali ho tum

ḳhud pe hansti rahti ho

kitni sar-phiri ho tum

main gale se lag ja.un

kitna sochti ho tum