Salim Shuja Ansari
hazaron ranj mile sainkaḌon malal mile
ham apne aap se jab bhi mile niDhal mile
har ek shaḳhs se milna kahan munasib tha
mile unhin se jahan dil mile ḳhayal mile
vafa ki raah men kis par na tohmaten aa.iin
koi to aisi zamane men ik misal mile
nahin hai tere jahan men koi bhi shai aisi
jise uruuj mile aur na phir zaval mile
main apne aap se bahar nikal nahin paaya
jo tu mila to mujhe mere hal-chal mile
javab DhunDne nikla jo kal mira maazi
labon pe haal ke is ko na.e saval mile
miri talash jahan ja ke ḳhatm ho ‘salim’
kahin to aisa koi sahab-e-kamal mile
Leave a Reply