Hayat-O-Marg Ka Uqda Kusha Hone Nahin Deta

Ram Awtar Gupta Muztar

hayat-o-marg ka uqda kusha hone nahin deta

vo jaane kyuun mujhe raz-ashna hone nahin deta

use kis darja apne husn-e-yakta.i ki chahat hai

vo apna sa koi bhi dusra hone nahin deta

ḳhirad bhaTka.e hai aksar dala.el se aqidat ko

magar gumrah tera naqsh-e-pa hone nahin deta

jo chhu luun asman paanv ki dharti khinch leta hai

vo mujh ko kyuun mire qad se baḌa hone nahin deta

javan-lashe pe hain shikva-ba-lab kandhe za.ifi ke

agar vo chahta ye hadisa hone nahin deta