Hawas-Parasti O Ghaarat-Gari Ki Lat Na Gai

Poet

havas-parasti o gharat-gari ki lat na ga.i

yazid mar gaya lekin yazidiyat na ga.i

ghira raha main ajab kashmakash ke aalam men

ki jab talak mire sanson ki suut kat na ga.i

ḳhirad ki aag men sadiyon jale badan lekin

dil-o-dimagh se bu-e-munafirat na ga.i

hayat o maut ke har inqalab se guzre

hamare sar se magar asman ki chhat na ga.i

jatan hazar kiye marg-e-na-gahani ne

magar hayat ki hargiz chalat-phirat na ga.i

tilism-e-lafz-o-ma.ani men qaid huun ‘shadab’

tamam umr mire haath se lughat na ga.i