sham.a ki tarah pighalte rahiye
apni hi aag men jalte rahiye
aaj insan ka muqaddar hai yahi
har na.e sanche men Dhalte rahiye
zinda rahne ki tamanna hai agar
apna chehra bhi badalte rahiye
chhanv ki tarah baḌha bhi kiije
dhuup ki tarah na Dhalte rahiye
zindagi ki hai alamat laghzish
kyuun bahar-gam sambhalte rahiye
kaam liije na zaban se apni
ḳhaak bas chehre pe malte rahiye
zehn bhi shal na kahin ho jaa.e
vaqt-zaron se nikalte rahiye
Leave a Reply