Wo Charagh Sa Kaf-E-Rahguzar Mein Kaun Tha

vo charāġh sā kaf-e-rahguzār meñ kaun thā

maiñ kahāñ thā aur mire intizār meñ kaun thā

koī dhuul uḌtī thī rāstoñ pe na khul sakā

vo ġhanīm thā ki kumak ġhubār meñ kaun thā

koī shaam halqa-e-dostāñ meñ guzārtā

jise jā ke miltā maiñ us dayār meñ kaun thā

mire ḳhvāb kis ne churā liye sar-e-shām-e-ġham

mirī umr jis ke thī iḳhtiyār meñ kaun thā

Leave a Comment