Qayyum Tahir
hava men nauhe ghule durd mish.alon men raha
bahut ajiib sa dukh tha ki bastiyon men raha
tamam peḌ the sahil pe aag ki zad men
mire qabile ka har fard paniyon men raha
bahut dilase diye ham ne shab-gazida ko
magar vo shaḳhs ki din men bhi vasvason men raha
vahi tha aḳhiri nuqta miri lakiron ka
har ek qaus men vo saare zaviyon men raha
ye jante bhi ki saara safar ḳhala ka hai
bala ka hausla TuuTe hue paron men raha
bhari bahar hare ḳhvab ke gulab liye
tamam umr main ujḌi hui ruton men raha
qarib aa.e to suraj bhi bujh ga.e ‘qayyum’
siyah barf ki surat lahu ragon men raha
Leave a Reply