Hath uThte Hi kaTa Chaliye Yahan Se Chaliye

haath uThte hi kaTa chaliye yahan se chaliye

kya dua kaisi dua chaliye yahan se chaliye

baaz hai koi daricha na koi dar hai khula

koi jalva na ada chaliye yahan se chalen

us ke ghar par bhi vahi shahr-e-ḳhamoshan ka saman

koi aahaT na sada chaliye yahan se chaliye

ḳhvab ḳhushbu-e-talab rang-e-havas naz-e-vafa

saara sarmaya gaya chaliye yahan se chaliye

koi saaya na shajar koi tamanna na umang

uḌ ga.i sar se rida chaliye yahan se chaliye

is chaka-chaund men sikkon ki parakh kya hogi

koi khoTa na khara chaliye yahan se chaliye

doston hi ke qabile men ye kohram nahin

dushmanon ne bhi kaha chaliye yahan se chaliye