saneha ho ke raha chashm ka murjha jaana
khvab lagta hai tira khvab men bhi aa jaana
aankh ta-der rahi mauja-e-gham-nak men tar
hasan ka khel tha aine ko chamka jaana
tu sar-e-bam hava ban ke guzarta kyuun hai
mere malbus ki aadat nahin lahra jaana
dasht ke lab pe hai is qatra-e-naisan ka maza
tu kahan jaan saka main ne tujhe kya jaana
tukhm bota hai koi haath miri mitti men
mujh ko asan hai bahut chhanv ka phaila jaana
Leave a Reply