ai sanam tujh birah men rota huun
ashk-e-ḳhunin siin munh kuun dhota huun
bandagi men mujhe qubul karo
main tumhara ghulam hota huun
barish-e-ab-e-ashk hai darkar
dagh-e-hijran ke biij bota huun
bolta huun jo vo bulata hai
tan ke pinjre men us ka tota huun
mat kaho mujh siin qissa-e-farhad
ḳhvab-e-shirin men aaj sota huun
gauhar-e-ashk kuun misal-e-‘siraj’
rishta-e-ah men pirota huun