Nishant Shrivastava Nayab
hasraton ko na zehn rusva karen
duur haT jaa.en un ko rasta karen
kaun kahta hai vo pukara karen
apni ankhon ka bas ishara karen
sang paḌne lage raqibon pe
kaise taslim ye ḳhasara karen
ḳhuub lagte hain kitne gul-daste
sab adaon ko aap yakja karen
saare kirdar itminan men hain
ab kahani men moḌ paida karen
aag kis tarah ham rakhen zinda
saans ko aur kitna gahra karen
Leave a Reply