Ahmad Hamdani
chand ojhal ho gaya har ik sitara bujh gaya
andhiyan aisi chalin phir dil hamara bujh gaya
ab to ham hain aur samundar aur havaen aur raat
duur se karta tha jhilmil ik kinara bujh gaya
ghurte hain log baithe kya khalaon men ki ab
har ishara bujh gaya hai har sahara bujh gaya
har nazar ke samne ab be-karan pahli si riit
jagmagata baat karta dasht saara bujh gaya
jam gai hai barf kaisi har taraf logo yahan
raakh tak thandi padi kya kya sharara bujh gaya
shahr chup hain raste khamosh hain chehre udaas
bas bagule ud rahe hain har nazara bujh gaya
Leave a Reply