Koi Aaghaz Mein Anjam Bata Jata Hai

koī āġhāz meñ anjām batā jaatā hai

aur phir puurī kahānī kā maza jaatā hai

ham yahī sochte haiñ rāste bhar phuul liye

ik mulāqāt pe kyā tohfa diyā jaatā hai

ishq jis se ho tirī raah takī jaatī hai

hijr jis se ho tujhe yaad kiyā jaatā hai

kitne hī rañj haiñ shikve haiñ magar ye bhī hai

jis ko jaanā ho use jaane diyā jaatā hai

hijr kā husn udāsī se baḌhātā huuñ maiñ

achchhā misrā ho to phir sher kahā jaatā hai

merī tanhā.ī meñ Daale hai ḳhalal chhipkiliyāñ

us kī tasvīr pe phir dhyān chalā jaatā hai

Leave a Comment