Ye Kis Muhim Par Chale The Hum Jis Mein Raste Pur-Khatar Na Aae

ye kis muhim par chale the ham jis men raste pur-ḳhatar na aae

hamen navaza na vahshaton ne hamen junun ke hunar na aae

mujhe bahut tez dhuup darkar hai mohabbat ke is safar men

chamakte suraj ko saaya karne koi ghanera shajar na aae

andheri shab ka ye ḳhvab-manzar mujhe ujalon se bhar raha hai

ye raat itni tavil kar de ki ta-qayamat sahar na aae

jahan huun teri hi raunaqen aur tire nazare hi charon janib

us anjuman ka pata bata de jahan se meri ḳhabar na aae

jo laut aae koi safar se to phir musafir kahan hua vo

vahi musafir hai jo safar men hai aur kabhi laut kar na aae

vo asmanon men rahne vaala sunega ik din ‘alina’ teri

sada ko apni buland rakh tu dua men jab tak asar na aae

Leave a Comment