Aap Hi Apna Main Dushman Ho Gaya

Poet

aap hi apna main dushman ho gaya

tap gaya sona to kundan ho gaya

aur nikhra sub.h-e-kazib ka suhag

ḳhatm jab taron ka indhan ho gaya

kis se puchhun kho ga.i siita kahan

ban ka har saaya hi ravan ho gaya

jab dar-o-divar chamka.e ga.e

ghar ka ghar hi un ka darpan ho gaya

bad-nasibi qafile ki dekhiye

jo bana rahbar vo rahzan ho gaya

vo nahin to un ka har lamha ḳhayal

har-nafas par ek uljhan ho gaya

mangte phirte hain gul ḳharon se chhanv

kya se kya dastur-e-gulshan ho gaya

phir na bichhḌe is tarah se mil ga.e

jaise do sayon ka bandhan ho gaya

be-ḳhayali men yunhi phaila tha haath

jab chhua tum ne to daman ho gaya

jaane kyuun gum ho ga.i barkha ki dhuup

ruḳh mira jab su-e-chilman ho gaya