hasil-e-gham yahi samajhte hain
maut ko zindagi samajhte hain
jis ko tere alam se nisbat hai
ham usi ko ḳhushi samajhte hain
tum sitam men kami na farmao
ham ise dushmani samajhte hain
ham charaghon men chand taron ke
aap ki raushni samajhte hain
shaiḳh ji hain farishton ke ustad
aap unhen aadmi samajhte hain
husn-e-mauzun ke zikr ko ‘anvar’
maqsad-e-sha.iri samajhte hain
Leave a Reply