Hasb-E-Farman-E-Amir-E-Qafila Chalte Rahe

Poet

hasb-e-farman-e-amir-e-qafila chalte rahe

pa-ba-jaulan dida-o-lab-doḳhta chalte rahe

be-basirat manzilen gard-e-safar hoti rahin

aur ham be-maqsad-o-be-mudda.a chalte rahe

fasl-e-gul ki chaap thi is tab-e-nazuk par giran

tha safar ḳhushbu ka ghunche be-sada chalte rahe

kajali raton men suraj ke havale so ga.e

iqtibas apne lahu se le liya chalte rahe

su-e-manzil piiTh thi avargi jaari rahi

fasla har gaam par baḌhta raha chalte rahe

jab ye dekha pairahan ka taar tak baaqi nahin

kar ke zeb-e-jism zaḳhmon ki qaba chalte rahe

aap kya ham ḳhud bhi sun paa.e na dil ki dhaḌkanen

apne siine par qadam rakh kar sada chalte rahe