harim-e-husn se ankhon ke rabte rakhna
tamam umr tahayyur ke dar khule rakhna
hisar-e-a.ina-o-ḳhvab se nikalne tak
shikast-e-zat ka manzar sambhal ke rakhna
ye bargah-e-mohabbat hai meri ḳhalvat hai
mire harif qadam ehtiyat se rakhna
faraz-e-koh-e-shab-e-gham se dekhna hai use
mire ḳhuda miri qismat men rat-jage rakhna
gira diya jise ik baar apni nazron se
phir us ko ḳhvab ki had se bhi kuchh pare rakhna
Leave a Reply