poet

Ghamza-E-Chashm Sharmsar Kahan

ghamza-e-chashm sharmsar kahan

sar to hazir hai tegh-e-yar kahan

gul bhi karta hai chaak apna jaib

par gareban sa taar taar kahan

ho ghazalon ko us se ham-chashmi

tikhi chitvan kahan khumar kahan

andalibon ne gul ko gher liya

ek jevda kahan hazar kahan

ek din ek shakhs ne puchha

miir sahab tumhara yaar kahan

main ne us se kaha ki sun bhaai

ab mujhe us talak hai baar kahan

gah-gahe salam karta hai

par vo baten kahan vo pyaar kahan

zindagi tak sitam to sah le ‘soz’

phir to ye zulm baar baar kahan

More Poems

Leave a Comment