Rakhshanda Naved
harf-ta-harf uftad ki sha.iri
dil ki ik shahr-e-barbad ki sha.iri
kab samundar kinaron ka muhtaj hai
kab dil mauj-e-azad ki sha.iri
bansuri ki madhur lai se bahar nikal
sun zara ruh-e-nashad ki sha.iri
tark hoti nahin aisi kuchh adaten
fikr dad-e-havas daad ki sha.iri
tauba tauba ki rakkhi hai fōtpath par
‘mir’ sahab se ustad ki sha.iri
karte karte sipurd-e-qalam kar ga.i
mujh pe jaadu pari-zad ki sha.iri
chashm-e-baran ka dukh banTana farz hai
kuchh karen abr ki baad ki sha.iri
rabt ke daur men ḳhuub likhte the ham
be-sabab be-maza baad ki sha.iri
raat palkon men ‘raḳhshanda’ kaTenge ham
ta-sahar hogi ab yaad ki sha.iri
Leave a Reply