Yasir Khan
baḌe saliqe se ab ham ko jhuuT bolna hai
mare na koi faqat itna zahr gholna hai
rakhi hui hai tiri yaad dil ke palḌe men
ab is tarazu men ik ishq aur tolna hai
main is liye bhi zamane men sab ko pyara huun
mujhe pata hai kahan kitna jhuuT bolna hai
hamare desh men insaf ki jo devi hai
ab astha se use zindagi ko tolna hai
hava liye hue phirti hai qainchiyan ‘yasir’
baḌe hisab se apne paron ko kholna hai
Leave a Reply