Jamal Owaisi
ghubar kis ka hai isti.ara ye gard kis vaste uḌi hai
yahan vahan ek ek zarre men sar-kashi kis ne Daal di hai
bikhar ga.i hai purani tartib saare unsur alag hue hain
har ek apne men ik mukammal vajudiyat ka alamati hai
jahan pe zarrat ki sulag thi vahan pe idrak tham gaya tha
basirat apni bhi us ke aage hazar chaha na ja saki hai
nafas pe ghalib hai nafs takiya haram se sochna samajhna
zamir jaage to aah bhar lo ki ab qayamat hi aa rahi hai
mujhe pukaro mujhe sada do main ek khoya hua bashar huun
shu.ur men la-shu.ur ki tarah ek avaz gunjti hai
khaḌa huun main das hazar saala qadim duniya ke biich ‘ovaisi’
ulaT ke tariḳh ke varaq zindagi mujhe kuchh suna rahi hai
tilism kaisa hai us ne mere havas qaabu men kar liye hain
main us ko pahchanta nahin huun jo meri chaukhaT pe aa chuki hai
Leave a Reply