ahmad-ata

Dil Koi Phul Nahin Aur Sitara Bhi Nahin

dil koi phuul nahin aur sitara bhi nahin

kar-e-duniya ka nahin aur tumhara bhi nahin

ham kisi samt chalen raah lagen kho jaaen

rah-e-gum-gashta hain so aisa ishara bhi nahin

ham ko to vasl ke qabil nahin jaana tum ne

ham chale jaaen kahin tum ko gavara bhi nahin

na-rasai ne ajab taur sikhae hain ‘ata’

yaani bhule bhi nahin tum ko pukara bhi nahin

More Poems

Leave a Comment