Kaise Afsun The Wahan Kaise Fasane The Udhar

kaise afsun the vahan kaise fasane the udhar

zindagi tujh se ta.alluq ke bahane the udhar

kya ajab ḳhvab ke ḳhushbu ke Thikane the udhar

ab to kuchh yaad nahin kaun zamane the udhar

ye nahin yaad ki vo baagh tha kis kuche men

is qadar yaad hai kuchh phuul khilane the udhar

ek basti thi hui vaqt ke andoh men gum

chahne vaale bahut apne purane the udhar

ham idhar aae to vo arz-e-karam chuTegi

mamlikat ishq ki thi gham ke ḳhazane the udhar

Leave a Comment