Bahut Sajae The Aankhon Mein Khwab Maine Bhi

bahut sajae the ankhon men khvab main ne bhi

sahe hain us ke liye ye azaab main ne bhi

judaiyon ki khalish us ne bhi na zahir ki

chhupae apne gham o iztirab main ne bhi

diye bujha ke sar-e-sham so gaya tha vo

bitai so ke shab-e-mahtab main ne bhi

yahi nahin ki mujhe us ne dard-e-hijr diya

judaiyon ka diya hai javab main ne bhi

kisi ne khuun men tar chudiyan jo bheji hain

likhi hai khun-e-jigar se kitab main ne bhi

khizan ka vaar bahut kar-gar tha dil pe magar

bahut bacha ke rakha ye gulab main ne bhi

Leave a Comment