harf-e-ghazal se rang-e-tamanna bhi chhin le
main jal raha huun atish-e-naghma bhi chhin le
be-barg-o-bar ho gaya imroz ka shajar
mujh se mata-e-gulshan-e-farda bhi chhin le
mere junun ko hajat-e-divar-o-dar nahin
ghar se juda hua huun to saaya bhi chhin le
ab to nashat-e-did ka bhi silsila gaya
ya.ani dil-o-nigah ka rishta bhi chhin le
chhina hai tu ne shaam ke ruḳh se salona-pan
ab shahr-e-arzu se ujala bhi chhin le
baaqi rahe na dast-e-tasarruf men koi shai
jo kuchh mujhe diya tha vo hissa bhi chhin le
Leave a Reply