doston ka zikr kya dushman hain jab badle hue
shahr men to ab nazar aate hain sab badle hue
ziist ke advar kitne mukhtalif se ho gae
saal o mah thahre hue aur roz o shab badle hue
kis ki dil-jui karen kis ko mubarakbad den
jab khushi aur gham ke huun yaksar sabab badle hue
ik purana rasta ab kis tarah dhunde koi
shahr bhar ke sab gali-kuche hon jab badle hue
roz o shab ki gardishen dil ko badal paai nahin
aine men garche hain rukhsar o lab badle hue