Ishrat Moin Seemaa
harf-e-ehsas ki tashkil kahan mumkin hai
mire jazbat ki tarsil kahan mumkin hai
pahle ik arz-e-tamanna ye bichhe jaate hain
ab mire hukm ki ta.amil kahan mumkin hai
tire hote hue mahfil men charaghan kyon kar
mahr-e-taban ko ye qindil kahan mumkin hai
yad-e-rafta ka ḳhazana mujhe bhari hai bahut
hafize ki na.i zambil kahan mumkin hai
shaz-o-nadir hi tamanna.en javan hoti hain
har ghaḌi nafs ki tahlil kahan mumkin hai
sochti rahti hain shab bhar vo sitara ankhen
ḳhvab-e-girya ki vo takmil kahan mumkin hai
Leave a Reply