Haram Ko Shaikh Mat Ja Hai But-E-Dil-Khwah Surat Mein

haram ko shaikh mat ja hai but-e-dil-khvah surat men

agar hai mard-e-maani dekh le allah surat men

nazar kar us ki tuk nairangiyon par chashm-e-hairat se

kahin gul hai kahin kanta kahin hai kaah surat men

sanam ki satr-e-abru katib-e-qudrat ne likhi hai

kalid-e-ilm-e-maani hai ye bismillah surat men

subu-o-jam par kam-zarf karte hain nazar varna

bane hain ek mitti ke gada o shaah surat men

mira vo tifl-e-abjad-khvan padhe kyunkar na ab hijje

baghair is qaede ke ho sake kab raah surat men

juda divar se kab taaq hai koi batao to

dikhai de hai pur-ahval ko do ik maah surat men

kar apne dil ko saiqal ai sikandar ta ho ye raushan

safa se aaine ke kab khalal hai aah surat men

gaya hoga taraf kaaba ki jo mahram nahin us se

ki haaji us ke aamad raft ki hai raah surat men

‘nasir’ us ki zaqan men band hai vo yusuf-e-kanan

nikalti hai azizo dekh lo kya chaah surat men

Leave a Comment