Poet
har tamanna dil se ruḳhsat ho ga.i
ab to aa ja ab to ḳhalvat ho ga.i
vo riya jis par the zahid ta.ana-zan
pahle aadat phir ibadat ho ga.i
ji raha huun maut ki ummid men
mar hi ja.unga jo sehhat ho ga.i
laakh jhiḌko ab nahin phirta hai dil
ho ga.i ab to mohabbat ho ga.i
mana’-e-shai vaa.iz hai vaj.h-e-hirs-e-shai
ab to mai se aur raghbat ho ga.i
ya to masjid rat-din ya mai-kada
kya se kya allah halat ho ga.i
kar chuke rindi bas ab ‘majzub’ tum
ek chullu men ye halat ho ga.i
Leave a Reply