har-su dhuen ka raqs hai aaj apne gaanv men
jalte lahu ki bu hai sisakti havaon men
manzar ko dekhte hi vo behosh ho gaya
jhanka jo us ne ruuh ki andhi guphaon men
bistar pe pichhli raat ajab majra hua
ankhen thiin band uḌta raha main ḳhalaon men
sahil ki ret par main khaḌa sochta raha
uljha tha mera zehn nadi ki havaon men
yuun to musafiron ki nahin hai kami yahan
Thahra nahin magar koi dil ki saraon men
Leave a Reply