poet

Har Shai Aani-Jaani Hai

har shai ani-jani hai

jivan bahta paani hai

hijr ki raten vasl ke din

ik dilchasp kahani hai

husn hai faani ishq mira

an-mit hai la-fani hai

jo na-ahl hai un hathon men

phulon ki nigarani hai

rahte ek gali men hain

donon ko hairani hai

sab chalte hain dagar dagar

ek dagar an-jani hai

apna hai phir apna lahu

paani akhir paani hai

‘anjum’ teri ghazlon men

sachche pyaar ki baani hai

More Poems

Leave a Comment