Shakeeb Rizvi
har samt raushni thi jidhar bhi nazar uThi
lekin vo ik nigah na jaane kidhar uThi
ye kaun naghma-sanj-o-ghazal-ḳhvan guzar gaya
gulshan se jhumti hui bad-e-sahar uThi
vo intizar-e-yar ke lamhat al-aman
dard-e-jigar baḌha to nazar su-e-dar uThi
afsane ansuon se hazaron ubal paḌe
phir aaj jo nigah miri baam par uThi
kis ne yahan ‘shakeb’ ka afsana kah diya
ik ajnabi nigah bhi ashkon se tar uThi
Leave a Reply