Rakkhe Charagh Taq Par Sare Bujhe Hue

rakkhe charāġh taaq par saare bujhe hue

phir bhī havā ke saath mire ma.arke hue

pahle-pahal to us se faqat guftugū huī

aur phir ta.alluqāt bhī achchhe bhale hue

ik din hamārī lau ne charāġhoñ ko maat dī

lagte haiñ aap Thiik usī din se jale hue

us ne kahā thā aaj vo aa.egā lāziman

murjhā ga.e haiñ phuul galī tak bichhe hue

Leave a Comment