ai dil-e-nadan ye jazb-e-ishq hai
dekh betabana vo kaun aa gaya
luTte ham kya javani ki bahar
ghuncha-e-dil khilte hi murjha gaya
aql-o-hosh-o-sabr-o-aram-o-qarar
ek jaane se tire kya kya gaya
zindagi guzregi kis ummid par
intizar-e-va.ada-e-farda gaya
dil ko main bahla raha huun is tarah
aa raha hai aa.ega vo aa gaya
ishq men aaya hai ik aisa maqam
yaad jab main ne kiya vo aa gaya
haa.e vo un ki nigah-e-sharm-sar
us nadamat par main ḳhud sharma gaya
ik ajab shai hai sharab-e-be-ḳhudi
kho gaya jab main to sab kuchh pa gaya
tu ne ‘sa.ib’ ko ganvaya be-sabab
ye ziyan tera hai us ka kya gaya
Leave a Reply