Poet
har safar hai na.e sarabon ka
jaise ik silsila azabon ka
baaqi tarikiyon ki ḳhvahish hai
qatl karna hai aftabon ka
jaane kis dhun men zindagi guzri
chehra takte rahe kitabon ka
ru-ba-ru ab kahan mulaqaten
silsila rah gaya hai ḳhvabon ka
barchhiyan ratjagon ki chalti hain
qatl hota hai roz ḳhvabon ka
meri ḳhalvat men ana-jana hai
aftabon ka mahtabon ka
in pe chhiḌken zara lahu mera
rang phenka hai kuchh gulabon ka
jis se hans kar laḌa huun main ‘shakir’
ek lashkar tha iztiraاbiyon ka
Leave a Reply