Poet
har nazar ashna nahin hoti
lutf men kya jafa nahin hoti
vasl ki bhi dua nahin hoti
ham se ab iltija nahin hoti
saari duniya ke kaam aate hain
ek tum se vafa nahin hoti
dil men ik aarzu hai barson se
lafz ban kar ada nahin hoti
ishq to ek hi se hota hai
saari duniya ḳhuda nahin hoti
Thokaron men tiri qayamat thi
ab kabhi runuma nahin hoti
ye sifat hai janab-‘shankar’ men
har nazar parsa nahin hoti
Leave a Reply