zehra-nigaah

Har Khaar Inayat Tha Har Ek Sang Sila Tha

har khaar inayat tha har ik sang sila tha

is raah men har zakhm hamen rah-numa tha

kyuun ghir ke ab aae hain ye badal ye ghataen

ham ne to tujhe der hui yaad kiya tha

ai shishagaro kuchh to karo aina-khana

rangon se khafa rukh se juda yuun na hua tha

in ankhon se kyuun subh ka suraj hai gurezan

jin ankhon ne raton men sitaron ko chuna tha

More Poems

Leave a Comment