Poet
pahle to shahr bhar men misal aa.ine hue
phir gard se sarapa saval aa.ine hue
chehra chhupa.e phirta hai gahre naqab men
ik shaḳhs ko to lau ki misal aa.ine hue
ham ko saza mili ki ujale the aa.ine
so apni jaan pe saara vabal aa.ine hue
phir yuun hua ki zabt ki surat nahin rahi
aur shahr-e-be-nava ke ghazal aa.ine hue
jin ke sabab se ham hue ma.atub shahr men
ik vaqt aa gaya vo ḳhayal aa.ine hue
vo dard ji uTha ki gareban the taar taar
vo rut umaD paḌi ki nihal aa.ine hue
Leave a Reply