har kasa-e-dil kaif se sarshar bahut hai
ma.il-ba-karam koi tarah-dar bahut hai
kab satvat-e-asbab ki hai dil ko tamanna
ham ahl-e-tariqat ko to pindar bahut hai
ye ahd ibarat nahin shamshir-o-sinan se
shorida-saro! jur.at-e-guftar bahut hai
karta hai lahu dil ko har ik harf-e-tasalli
kahne ko to yuun qurbat-e-gham-ḳhvar bahut hai
har-chand rasa.i men nahin fasl-e-baharan
arbab-e-junun daman-e-dildar bahut hai
honTon se ho manus agar haq to junun ko
ik na.ara-e-mansur sar-e-dar bahut hai
Leave a Reply