har haqiqat ko guman tak sochun
main baharon ko ḳhizan tak sochun
guftugu talḳh haqa.eq se bhi ho
ḳhvab hi ḳhvab kahan tak sochun
har qadam ek muamma ban jaa.e
zindagi tujh ko jahan tak sochun
soch ban jaati hai girdab-e-bala
ek hi baat kahan tak sochun
hadd-e-parvaz miri itni hai
la-makan ko bhi makan tak sochun
dastaras kis ki mudava kaisa
dard ko sirf fughan tak sochun
napun jazbon ko bhi paimanon se
ashk ko ab-e-ravan tak sochun
tu nahin paas tiri yaad to hai
tu hi to sujhe jahan tak sochun
Leave a Reply