partav-e-husn kahin anjuman-afroz to ho
dil-e-pur-dagh mira maya-e-sad-soz to ho
kam se kam koi to saman tire aane ka karun
atlas-e-charḳh to ho bistar-e-gul-doz to ho
rang-e-paira-e-chaman-josh men kaliyan chaTken
khol de band-e-naqab aaj ki nau-roz to ho
dil men paivast na ho jo vo nazar hi kya hai
tiir tarkash men agar ho to jigar-doz to ho
na sahi sohbat-e-firdaus jahannam hi sahi
mahfil-e-aish na ho anjuman-e-soz to ho
kya natija hai ‘aziz’ aisi jabin-sa.i se
but ka sajda ho magar nasiya-afroz to ho
Leave a Reply