Fani Badayuni
har ghaḌi inqalab men guzri
zindagi kis azaab men guzri
shauq tha mana-e-tajalli-e-dost
un ki shoḳhi hijab men guzri
karam-e-be-hisab chaha tha
sitam-e-be-hisab men guzri
varna dushvar tha sukun-e-hayat
ḳhair se iztirab men guzri
raz-e-hasti ki justuju men rahe
raat tabir-e-ḳhvab men guzri
kuchh kaTi himmat-e-saval men umr
kuchh umid-e-javab men guzri
kis ḳharabi se zindagi ‘fani’
is jahan-e-ḳharab men guzri
Leave a Reply