har ik uthan ke lakhon hain imtihan miyan
pukarta hai parindon ko asman miyan
nikalna padta hai akhir ko apne andar se
vahan bhi milti nahin mustaqil amaan miyan
hai karkhana tavahhum ka ye ba-qaul-e-‘mir’
so jante hain yaqin ko bhi ham guman miyan
tha is se pahle bhi koi makin-e-dil apna
aur is ke baad bhi khali nahin makan miyan
ye aur baat ki jismon ke bhi taqaze the
ham us ki jaan the aur vo hamari jaan miyan
hain go ki ham bhi tire khair-khvah par ‘shakir’
ye kab kaha ki hamari hi baat maan miyan
Leave a Reply