Tahir Azeem
har dard ki dava bhi zaruri nahin ki ho
mere liye zara bhi zaruri nahin ki ho
rahta hai zehn o dil men jo ehsas ki tarah
us ka koi pata bhi zaruri nahin ki ho
insan se milo bhi to insan jaan kar
har shaḳhs devta bhi zaruri nahin ki ho
kis ne tumhen zaban ata ki ki aaj tum
kahte ho jo ḳhuda bhi zaruri nahin ki ho
qaa.em ‘azim’ us ki raza se hai zindagi
is men miri raza bhi zaruri nahin ki ho
Leave a Reply