har-chand husn-saz huun paikar-tarash huun
lekin ḳhad aa.ine ki tarah paash paash huun
dil hi ki dhaḌkanon se thi raftar-e-zindagi
jab dil hi mar chuka hai to phir zinda laash huun
aThon pahar sukun mayassar nahin mujhe
har lamha jo kasakti rahe vo ḳharash huun
tasvir-e-ahd-e-nau hai mujassam mira vajud
alam-e-rozgar huun fikr-e-ma.ash huun
mere junun-e-shauq ki manzil nahin koi
ya.ani rah-e-talab men sarapa talash huun
‘vahid’ koi bhi us ki na tashḳhis kar saka
vo kaun sa maraz hai jo sahab-farash huun
Leave a Reply